د جوزجان ولايت د سنوکر منتخبې لوبډلې د غوراوي سیالۍ پاى ته ورسېدې
د جوزجان ولايت د ورزش امريت په همغږۍ د سنوکر فدراسيون له لوري د دې ولایت د سنوکر منتخبې لوبډلې د غوراوي سیالۍ چې دوه اوونۍ وړاندې په نخبګان ماسټر سنوکر کلب کې، د ٩ کلبونو ٨٠ ورزشکارانو په ګډون پيل شوې وې، تيره ورځ د يار محمد جند محله په لومړي مقام ګټلو سره پاى ته ورسېدې.
د دې سياليو په پايلوبه کې د شمال سنوکر کلب دوه تنه ورزشکاران يار محمد جند محله او لطف الله حيدري سره مخ شول، چې دغه لوبه د ٥-٣ پايلي سره د يار محمد جند محله په ګټه پاى ته ورسېده.
د دې سياليو موخه د جوزجان ولايت د سنوکر منتخبې لوبډلې ته د غوره لوبغاړو ټاکل و، چې په پاى کې لس تنه غوره ورزشکاران د دې ولايت منتخبې لوبډلې ته وټاکل شول.
په اخير کې د جوزجان د ورزش امريت او سنوکر فدراسيون له لوري ګټونکو ورزشکارانو ته کپونه،مډالونه او تقديرنامې ورکړل شوې.
