د سنوکر افغان لوبغاړي صالح محمد محمدي خپل عماني او بحریني سیالانو ته ماته ورکړه
د افغانستان د سنوکر ملي لوبدلې لوبغاړي صالح محمد محمدي د سنوکر اتلولۍ نړۍوالو سیالیو په ماسټر برخه کې د بحرین او عمان هېوادونو لوبغاړو ته د ۳ – ۰ نمرو په توپیر ماته ورکړه او د ۱۶ غوره لوبغاړو پړاو ته یې لاره ومونده.
دغه سیالۍ د ماسټر او شپږ بالونو په دوو جلا برخو کې ترسره کېږي، چې د افغانستان په استازولۍ له لویانو څخه صالح محمد محمدي او له نویو ځوانانو څخه احمد نعمان نعمان پکې ګډون لري.
د ویلو ده، چې صالح محمد محمدي به راتلونکې سیالۍ کې د متحده عربی اماراتو لوبغاړي محمد الجوکر سره نن ماښام د کابل پر مهال ۶:۳۰ دقیقې سره سیالي وکړي.
یادې سیالۍ د ۲۵ هېوادونو په ګډون د روانې میلادي میاشتې پر ۱۳مه د بحرین هېواد په کوربهتوب په مانامه ښار کې پیل شوي او د همدې میاشتې تر ۲۵مې نېټې به دوام وکړي.
