د غزني مرکز کې د ۲۰ لوبډلو ترمنځ د ټېپ بال کرېکټ سیالۍ پای ته ورسېدې
د غزني ولایت د بدني روزنې او ورزش امریت اړوند د ټېپ بال کرېکټ ملي فدراسیون د استازولۍ له لوري د یاد ولایت په مرکز کې د ۲۰ لوبډلو ترمنځ د ټېپ بال کرېکټ سیالۍ د دوبۍ پترولیم لوبډلې په اتلولۍ پای ته ورسېدې، چې یوه میاشت یې دوام وکړ.
د دغو سیالیو په پایلوبه کې غزنوي لوبډلې خپلې سیالې دوبۍ پترولیم لوبډلې ته په ټاکلو ۲۰ اورونو کې د ۱۰۹ منډو هدف وټاکه په مقابل کې دوبۍ پترولیم لوبډلې یاد هدف پوره کړ او اتلولي یې خپله کړه.
د یادو سیالیو موخه د ټېب بال کرېکټ ته وده ورکول، د ځوانانو هڅول او له نشه یي توکو څخه یې لېري والی و.
