د فوټبال ملي لوبډلې بنګلادیش سره سیالي مساوي کړه
د فوټبال ملي لوبډلې د مالدیف ۲۰۲۶ څلور اړخیزه فوټبال سیالیو کې دویمه لوبه د بنګلادیش له ٢٣ کلونو کم عمره لوبډلې سره صفر - صفر مساوي کړه.
په دغو سیالیو کې افغان لوبډلې لومړۍ لوبه له مالدیف څخه ګټلې وه او د روانې میلادي میاشتې پر اوومه به د پاکستان پر وړاندې خپله درېیمه سیالي وکړي.
دغه سیالۍ د مالدیف هېواد په کوربهتوب د افغانستان، مالدیف، بنګلادېش او پاکستان په ګډون د روانې میلادي میاشتې پر لومړۍ پیل شوي او د همدې میاشتې تر ۱۰مې نېټې به دوام وکړي.
