د مزار شريف د عامې روغتيا لوبډله د کود او برق بسکتبال۳×۳ سياليو اتلولي خپله کړه
دغه سيالۍ چې دوه ورځې وړاندې د اتو لوبډلو ترمنځ پيل شوې وې، د عامې روغتيا لوبډلې په اتلولۍ پای ته ورسېدې.
د دغو سياليو پايلوبه د عامې روغتيا او عقابان لوبډلو ترمنځ ترسره شوه، چې په پايله کې عامې روغتيا لوبډلې خپلې سيالې لوبډلې ته د ۲۱ نومرو په توپير ماتې ورکړه او اتلولي يې خپله کړه.
د يادونې وړ ده چې په دغو سياليو کې د سلطان محمد فاتح، عقابان شمال، د کود او برق ځوانان، پوپل سټار، قهرمانان، عامې روغتيا او خراسان شيران لوبډلو ګډون کړی و.
د دغو سياليو موخه بسکتبال ورزش ته د ځوانانو هڅول او د ورزش وده وه.
