د هیواد د ورزش ادارې عمومي رئیس مولوي احمد الله وثیق او ورسره مله پلاوي د قطر هیواد د المپیک اکاډمي له اجرائیه رئیس خلیل ابراهیم جابر سره ولیدل
د المپیک کمېټې، بدني روزنې او ورزش عمومي رئیس مولوي احمد الله وثیق، د دې ریاست فني او مسلکي مرستیال حافظ احمد جان ځدران، په قطر کې د هیواد سفیر ډاکټر محمد نعیم وردګ او ورسره مله پلاوي د قطر هیواد د المپیک اکاډمي له اجرائیه رئیس خلیل ابراهیم جابر سره ولیدل.
په دې لیدنه کې د ښاغلي خلیل ابراهیم له خوا د افغانستان د ورزش رهبرۍ ته تود هرکلی وشو او خوښي یې وښوده، چې دوی یې کوربتوب کوي. همدارنګه د لیدنې په ترڅ کې ابراهیم جابر د یادې اکاډمۍ مختلفې برخې په ځانګړي ډول کتابتون او ارشیف د ورزش ادارې رهبري ته تشریح کړ.
د دې لیدنې په جریان کې دواړو اړخونو د ګډو همکاریو پر لارو چارو هم خبرې وکړې.
