د هېواد د فوټسال ملي لوبډلې په کافا سیالیو کې قزغیزستان ته ماتې ورکړه

د هېواد د فوټسال ملي لوبډلې د کافا سیالیو په لومړۍ لوبه کې نن قرغیزستان هیواد ته د ۵-۴ ګولونو په توپیر ماتې ورکړه.

د کافا سیالۍ د تاجکستان د پلازمینې دوشنې ښار په کوربتوب پیل شوې، چې ملي لوبډلې په خپله لومړۍ سیالي کې درې ارزښتمن امتیازونه ترلاسه کړي.

دا په داسې حال کې ده چې د هېواد ملي لوبډله خپله دویمه سیالي سبا د ازبکستان په وړاندې ترسره کړي.

د یادونې وړ ده، چې د نن ورځې په لوبه کې مهران غلامي د افغانستان لپاره د بریا د ګول په وهلو سره د سیالۍ غوره لوبغاړی وټاکل شو.