د هېواد د ورزش ادارې رهبري او د فوټبال فدراسیون رئیس، د فوټبال ملي لوبډلې د پرمختګ په اړه ګډه ناسته وکړه

org_admin
سه‌شنبه ۱۴۰۴/۴/۳ - ۱۳:۵۰
د هېواد د ورزش ادارې رهبري او د فوټبال فدراسیون رئیس، د فوټبال ملي لوبډلې د پرمختګ په اړه ګډه ناسته وکړه

د المپیک، بدني روزنې او ورزش عمومي رئیس مولوي احمدالله وثیق، د یاد ریاست فني او مسلکي مرستیال حافظ احمدجان ځدراڼ او د فوټبال ملي فدراسیون رئیس محمد یوسف کارګر، د افغانستان د فوټبال ملي لوبډلې ستونزو ته د رسېدنې او د دوی د اړتیاوو د پوره کولو او تنظیمولو لپاره ګډه ناسته وکړه.

په دغې ناسته کې د افغانستان د فوټبال فدراسیون او ملي لوبډلو پر وروستیو فعالیتونو خبرې وشوې او همداراز په سعودي عربستان کې د ورزش ادارې له مشرتابه سره د افغان فوټبال ملي لوبغاړو د لیدنې پر مهال د هغوی په اورېدل شویو ستونزو، غوښتنو او وړاندیزونو بحث او خبرې وشوې.

په یاده ګډه ناسته کې د فوټبال ملي لوبډلې د لا پیاوړتیا او د لوبغاړو غوښتنو، ستونزو او وړاندیزونو ته په وخت رسېدنې ټینګار وشو او دواړو لوریو ژمنه وکړه، چې د هېواد د فوټبال ملي لوبډلې د پیاوړتیا لپاره به له هر ډول ممکنه لارو کار اخلي او هڅه به کوي، چې د افغان ورزشکارانو هر ډول ستونزو ته پر وخت رسېدنه وکړي او د لوبغاړو د هڅولو په موخه به د دوی پر معقولو غوښتنو او وړاندیزونو غور کوي.

دا په داسې حال کې ده، چې د المپیک، بدني روزنې او ورزش عمومي رئیس مولوي احمدالله وثیق او د یاد ریاست فني او مسلکي مرستیال حافظ احمدجان ځدراڼ څه وخت وړاندې سعودي عربستان ته د سفر پر مهال د افغان فوټبال ملي لوبډلې له لوبغاړو سره ولیدل؛ د هغوی ستونزې او وړاندیزونه یې واورېدل او ډاډ ورکړل شو، چې په دغه برخه کې به ورسره بشپړه همکاري وشي.a

تازه خبرونه

سه‌شنبه ۱۴۰۴/۴/۳ - ۱۵:۱۸
Background image

پکتیا کې د ۳۰ ورزشکارانو ترمنځ د سنوکر ټاکنیزې سیالۍ وشوې

د پکتیا ولایت د بدني روزنې او ورزش رياست اړوند د سنوکر فدراسیون د استازولۍ له لوري د گردېز ښار په پکتیا سنوکر کلب کې د ۳۰ ورزشکارانو ترمنځ د سنوکر ټاکنیزې سیالۍ وشوې.

دغه سيالۍ، چې د. . .

سه‌شنبه ۱۴۰۴/۴/۳ - ۱۵:۱۶
Background image

ننګرهار؛ پچیراګام ولسوالۍ کې د ١٦ لوبډلو ترمنځ د ټېپ بال کرېکټ سیالۍ پای ته ورسېدې

د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په پچیراګام ولسوالۍ کې د ١٦ لوبډلو ترمنځ د ټېپ بال کرېکټ سیالۍ د زمرخېلو ټایګر. . .

سه‌شنبه ۱۴۰۴/۴/۳ - ۱۵:۱۱
Background image

لغمان کې د ۲۰ لوبډلو ترمنځ د واليبال سیالۍ پای ته ورسېدې

د لغمان ولايت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په مرکز ده زیارت کلي کې د ۲۰ لوبډلو ترمنځ د ځوانانو يووالي په موخه د واليبال سيالۍ د. . .

BACK TO NEWS