د هېواد د ورزش ادارې پلاوي د ارزگان ولایت له ورزشي مسوولینو سره ولېدل

د المپيک، بدني روزنې او ورزش عمومي ریاست حقوقي سلاکار او د طلباتو تثبیت، تضمیناتو او تأمیناتو د بیرته ترلاسه کولو کمېټې ريیس سید رسول افغاني او ورسره مله پلاوي ارزگان ولایت ته د خپل سفر په ترڅ کې د یاد ولایت له ورزشي مسوولینو او اماکنو څخه ليدنه وکړه.

په ياد سفر کې په ارزگان کې د ورزشي اماکنو د پاتې پروژو د مالي پورونو او رغنیزو چارو د بشپړولو په موخه د یاد ولایت له اړونده ادارو سره خبرې وکړې او د پاتې پروژو په پورونو یې د قرارداد اسناد او ترسره شویو کارونو په نظر کې نیولو بیا کتنه وکړه.

د يادولو وړ ده، چې په تېر کې هم د ورزش ادارې پلاوي د ځينو ولايتونو د ورزشي مسوولينو او اماکنو څخه ليدنه کړې وه.