د هېواد معلول لوبغاړی عبدالاحد امیري د ملي لوبډلې غړیتوب نه لري
دوشنبه ۲۹ لیندۍ ۱۴۰۰
سمیر هیبت
عبدالاحد امیري چې د هېواد د پارالمپیک د ملي لوبډلې غړی نه دی، له خپل خراب اقتصادي وضعیت څخه شکایت کوي.
د افغانستان د پارالمپیک فدراسیون د سرپرست حسین حصاري په وینا، د پارالمپیک ملي لوبغاړی عبدالاحد امیري هغه راپورونه رد کړل چې ګواکې د اقتصادي ستونزو له امله د کابل پر سړکونو لاسي توکي پلوري.
ښاغلي حصاري زیاته کړه چې عبدالاحد امیري له شپږو میاشتو راهیسې د پنج ګانه فدراسیون غړیتوب لري او د افغانستان د پارالمپیک فدراسیون د ملي لوبډلې غړی نه دی.
په دې وروستیو کې، د هیواد د پارالمپیک ورزشکار له رسنیو سره په مرکه کې د مالي مرستې غوښتنه وکړه.
د ښاغلي حصاري په خبره، ټول ورزشکاران او د افغانستان ټول خلک له ناوړه اقتصادي ستونزې سره مخ دي.
دا په داسې حال کې ده چې المپیک نړیواله کمېټه (IOC) د افغان لوبغاړو سره به 560 زره امریکايي ډالر مرسته وکړي چې د بدني روزنې او سپورت عمومي ریاست او د المپیک ملي کمېټې له مداخلې پرته د ملي ټیم لوبغاړو ته توزیع شي.
