د وحيد الله شهادت ته د درناوي په موخه د ساحلي واليبال سيالۍ وشوې.
د وحيد الله شهادت ته د درناوي په موخه د ساحلي واليبال سيالۍ وشوې. دا لوبې نن سهار د بدني روزنې او ورزش رياست په ساحلي ميدان کې د کاردان پوهنتون او صوفي کلپ ترمنځ ترسره شوې. د بدني روزنې او ورزش رياست دوو مرستيالانو عبدالحميد کبير او قاسم علي حميدي د سياليو په پرانېسته کې ګډون درلود. په پېل کې د بدني روزنې او ورزش رياست فني او مسلکي مرستيال ښاغلي حميد الله کبير د ورزشي فدراسونو د مسؤليتونو په تړاو خبرې وکړې او وئي ويل د فدراسيونو د اهدافو په په ترلاسه کولو کې به له دوی سره هر ډول مرسته وکړي. په دې لوبو کې د کابل او ولايتونو څخه 14 لوبډلو برخه اخېستې چې درې ورځې دوام کوي چې لوبډلې په دوه ګروپونو ويشل شوي او هره ورځ سيالۍ کوي. د يادولو ده چې دا سيالۍ د شهيد وحيد الله په نوم ترسره شوې چې د افغانستان د واليبال د ملي لوبډلې غړی پاتی شوی.
