د پکتیا مرکزي زندان کې د والیبال سیالۍ ترسره شوې
د پکتیا ولایت د بدني روزنې او ورزش ریاست اړوند د والیبال فدراسیون د استازولۍ له لوري او د زندانونو چارو ریاست سره په همغږي د ياد ولايت مرکز ګردېز ښار په مرکزي زندان کې د دوو لوبډلو ترمنځ د والیبال سیالۍ ترسره شوه.
د دغې سیالي په پایله کې احمدخېلو لوبډلې د ٢/١ میدان په توپیر خپلې سیالې زندانیانو لوبډلې ته ماتې ورکړه او اتلولي یې وګټله.
دا سیالۍ د زندانیانو د سالمې بوختیا، سالم صحت او مخدره توکو سره د مبارزې په موخه ترسره شوې او په پای کې غوره ورزشکارانو کپونه، مډالونه، ورزشي لباسونه او ستاینلیکونه ورکړل شول.
