د کندهار ورزش ریاست او سبا د لوړو زده کړو موسيسې تر منځ ورزشکارانو ته د لوړو زده کړو زمينې برابرولو هوکړه لیک لاسلیک شو
د کندهار ولايت د ورزش رياست او سبا د لوړو زده کړو موسيسې ترمنځ ورزشکارانو ته د لوړو زده کړو سکالرشيپونو د ورکړي هوکړه لاسلیک شوه.
د کندهار ولايت په پوهنتونونو، ښوونځيو او مدارسو کې د ورزش د پراختیا عمومي مدیر اکرام الله اسد وایي؛ د دې هوکړې له مخې د سبا پوهنتون د کندهار او ورزش ریاست ته ۵۰ سکالرشیپونه ورکړل شول.
د اسد په خبره؛ د یادو سکالرشیپونو په واسطه به د کندهار د ورزش ریاست له لوري د سبا پوهنتون ادارې ته ور معرفي شوي ورزشکار ته په کمپیوټر ساینس پوهنځي کې ۷۰ سلنه او اقتصاد پوهنځي کې ۷۷،۵ سلنه تخفیف ورکول کيږي.
د کندهار د ورزش رياست مسوولين وايي؛ په راتلونکې کې به هم له بېلابېلو نورو خصوصي پوهنتونونو سره هم ورته هوکړې وکړي؛ ترڅو هغو ورزشکارانو ته هم د لوړو زده کړو زمينه برابره شي، چې د ناوړه اقتصادي وضعیت له کبله له زده کړو بې برخي شوي دي.
