د کندهار ژړۍ ولسوالۍ کې د اس ځغلونې سیالۍ ترسره شوه
د جمعې په ورځ د کندهار د ژړۍ ولسوالۍ په سنځري سیمه کې د ۳۵ آس ځغلونکو لوبغاړو ترمنځ د آس ځغلونې د لوبغالي د پرانېستلو په موخه دا سیالۍ ترسره شوه.
په دې مراسمو کي د کندهار د بدني روزني او ورزش رییس محمود آغا بشر د کندهار د ورزشي لوبو لوی مُدیر ډاکټر حکمت الله عبیدي، د ژړۍ ولسوالۍ نظامي او ملکي چارواکو ګډون کړی وو.
د کندهار د بدني روزنې او ورزش رییس محمود آغا بشر دې مراسمو ته د خبرو پرمهال وویل، د یادو لوبو څخه یې موخه د کندهار منتخبي لوبډلې ته د آس ځغلونې، نېزه بازۍ او وزلوبې د لوبغاړو ټاکل دي، چې په نږدې راتلونکي کې به دا ډول لوبي د کندهار په ټولو ولسوالیو کې په لاره واچول شي.
د آس ځغلونې د دې سیالۍ لومړی مقام آغا لالی او دویم مقام جانان اعلان شول.
د سیالۍ له پای ته رسېدو سره سم د آس ځغلونې لومړي او دویم مقام ګټونکو لوبغاړو ته ډالۍ ورکړل شوې.
