زابل؛ د شاه جوی فوټبال سيالۍ د شاهين لوبډلې په بريا پای ته ورسېدې
د زابل ولايت د بدني روزنې او ورزش امريت او فوټبال فدراسيون په همغږۍ د ياد فدراسيون له لوري په شاه جوی ولسوالۍ کې د ۱۰ لوبډلو ترمنځ د فوټبال سياليو اتلولي شاهين لوبډلې خپله کړه.
د دغو سياليو پايلوبې ته شاهين او ننګ لوبډلو لار موندلې وه، چې په پايله کې شاهين لوبډلې خپلې سيالې ننګ لوبډلې ته د ۳_۰ ګولونو پهتوپير ماتې ورکړه او بريا يې خپله کړه.
يادې سيالۍ د ځوانانو د اتحاد په نوم يوه مياشت وړاندې پيل شوې وې او موخه يې د ځوانانو ترمنځ يووالی او اتحاد وو.
هېره دې نه وي، چې په پای کې غوره لوبډلو او ورزشکارانو ته چمتو شوې ډالۍ ورکړل شوې.
