زابل؛ شاجوی ولسوالۍ کې د شپږو لوبدلو ترمنځ د والیبال سیالۍ پای ته ورسېدې
د زابل ولایت د بدني روزنې او ورزش آمریت اړوند د والیبال فدراسیون د استازولۍ له لوري د یاد ولایت په شاجوی ولسوالۍ کې د شپږو لوبډلو ترمنځ د والیبال سیالۍ د حزب الدین لوبډلې په اتلولي پای ته ورسېدې.
د یادو سیالیو پایلوبه کې حزب الدین لوبډلې د ۳ پر ۲ میدانونو په توپیر خپلې سیالې مکتب لوبډلې ته ماتې ورکړه او اتلولي یې وګټله.
یادې سیالۍ د ځوانانو ترمنځ د یووالي په موخه ترسره شوې، چې دوې اوونۍ یې دوام وکړ.
