زابل؛ شاجوی ولسوالۍ کې د څلورو لوبډلو ترمنځ د فوټبال سيالۍ پای ته ورسېدې
د زابل ولايت د بدني روزنې او ورزش آمريت اړوند د فوټبال فدراسيون د استازولۍ له لوري د ياد ولايت په شاجوی ولسوالۍ کې د څلورو لوبډلو ترمنځ د فوټبال سيالۍ، چې ۱۲ ورځې مخکې پيل شوې وې د شوبار استقلال لوبډلې په اتلولۍ پای ته ورسېدې.
په دغو سياليو کې د مينه وال، لمر، شوبار استقلال او حلال لوبډلو گډون کړی وو، چې په پايلوبه کې شوبار استقلال لوبډلې خپلې سيالې مينه وال لوبډلې ته د ۳ پر ۲ گولونو په توپير ماتې ورکړه او اتلولي يې وگټله.
د يادو سياليو په پای کې د ياد ولايت د ورزش آمريت له لوري اتلې لوبډلې ته د اتلولۍ جام او غوره لوبغاړو ته ستاينليکونه ورکړل شول.
