زابل؛ شاجوی ولسوالۍ کې د ۱۸ ورزشکارانو ترمنځ د رزمي ورزشونو سیالۍ ترسره شوې
د زابل ولایت د بدني روزنې او ورزش آمریت اړوند د رزمي ورزشونو فدراسیون د استازولۍ له لوري د یاد ولایت په شاجوی ولسوالۍ کې له دوو کلبونو د ۱۸ ورزشکارانو ترمنځ د رزمي ورزشونو توان سبک سیالۍ ترسره شوې.
دا سیالۍ د نویو ځوانانو، ځوانانو او لویانو ورزشکارانو په عمري کټګوریو کي ترسره شوې، چې په پایله کې استاد روزي محمد نوري کلب ورزشکارانو لومړي مقام ترلاسه کړ.
یادې سیالې د ځوانانو لپاره د سالمې تفرېح برابرولو په موخه ترسره شوې، چې یوه ورځ یې دوام وکړ.
