زابل؛ شاجوی ولسوالۍ کې د ۲۰ ورزشکارانو ترمنځ د ځغاستې سیالۍ ترسره شوې
د زابل ولایت د بدني روزنې او ورزش آمریت اړوند د اتلتیک فدراسیون د استازولۍ له لوري د یاد ولایت په شاجوی ولسوالۍ کې د ۲۰ ورزشکارانو ترمنځ د ځغاستې سیالۍ ترسره شوې.
دغه سیالۍ په ۴۰۰ متري واټن کې ترسره شوې، چې په پایله کې یې عزیز خان لومړی، امرخان دویم او نیاز محمد بیا درېیم مقام ترلاسه کړ.
دا سیالۍ د ولسوالۍ په کچه د اتلتیک لوبډلې ته د غوره لوبغاړو د ټاکلو په موخه ترسره شوې، چې یوه ورځ یې دوام وکړ او په پای کې بریالیو ورزشکارانو ته مډالونه او ستاینلیکونه ورکړل شول.
