زابل؛ شاجوی ولسوالۍ کې د ۲۵ ورزشکارانو ترمنځ د لاس چپه کولو سيالۍ وشوې
د زابل ولايت د بدني روزنې او ورزش آمريت په همغږۍ او د ملي او دوديزو لوبو مدیریت له لوري د ياد ولايت په شاجوی ولسوالۍ کې له دوو کلبونو د ۲۵ ورزشکارانو ترمنځ د لاس چپه کولو سيالۍ وشوې.
دا سيالۍ د عبدالشکور او محمد غفور کلبونو ترمنځ ترسره شوې، چې په پايله کې د محمد غفور کلب ورزشکارانو په بريا پای ته ورسېدې.
د يادو سياليو موخه ملي او دوديزو لوبو ته وده ورکول و، چې يوه ورځ يې دوام وکړ.
