زابل؛ شهر صفاء ولسوالۍ کې د ۱۰۰ پهلوانانو تر منځ د سيمه ييزې غېږ نيونې سيالۍ تر سره شوې
د زابل ولايت د بدني روزنې او سپورټ آمريت اړوند د ملي او دوديزو لوبو مديريت او قومي مشرانو له لوري په شهر صفاء ولسوالۍ کې د ۱۰۰ پهلوانانو تر منځ د سيمه ييزې غېږ نيونې سيالۍ ترسره شوې.
يادې سيالۍ د کندهار د دامان او زابل د شهر صفاء ولسواليو تر منځ ترسره شوې، چې په پايله کې د شهر صفاء ولسوالۍ په بريا پای ته ورسېدې.
د دغو سياليو د ترسراوي موخه، ملي او دوديزو لوبو ته وده ورکول ښودل شوي وو، چې يوه ورځ يې دوام وکړ.
