زابل؛ شینکۍ ولسوالۍ کې د ۸۰ پهلوانانو ترمنځ د سیمه ییزې غېږ نیونې سیالۍ ترسره شوې
د زابل ولایت د بدني روزنې او ورزش آمریت اړوند د ملي او دودیزو لوبو د مدیریت له لوري د یاد ولایت په شینکۍ ولسوالۍ کې له درېیوو ولسوالیو د ۸۰ پهلوانانو ترمنځ د سیمه ییزې غېږ نیونې سیالۍ ترسره شوې.
دغه سیالۍ د شینکۍ، معروف او ارغستان ولسوالیو د پهلوانانو ترمنځ ترسره شوې، چې په پایله کې یې د شینکۍ ولسوالۍ پهلوانانو لومړی مقام خپل کړ.
دا سیالۍ د لوی اختر د لمانځلو په موخه ترسره شوې، چې دوې ورځې یې دوام وکړ.
