زابل؛ لب دريا لوبډلې د سلطان محمود غزنوي په نوم د واليبال سياليو اتلولي وګټله
د زابل ولايت د ورزشي امريت او لب دريا کلي د واليبالرانو په همغږۍ د نوموړي ولايت مرکز قلات اړوند لب دريا په کلي کې د څلورو لوبډلو ترمنځ د واليبال سياليو اتلولي لب دريا لوبډلې خپله کړه.
دغه سيالۍ د سلطان محمود غزنوي په نوم څلور ورځې وړاندې پيل شوې وې، چې په پايلوبه کې لب دريا لوبډلې خپلې سيالې طوفان هريرود لوبډلې ته د ۳_۰ ميدانونو په توپير ماتې ورکړه او اتلولي يې خپله کړه.
هېره دې نه وي، چې د يادو سياليو په پای کې د نوموړي ولايت د ورزشي امريت له لوري اتلې لوبډلې ته ورزشي توکي ورکړل شول.
