زابل؛ مرکز قلات ښار کې د ٦٦ ورزشکارانو ترمنځ د سیمه ییزې غېږ نیونې سیالۍ ترسره شوې
د زابل ولایت د بدني روزنې او ورزش آمریت اړوند د کورش فدراسیون د استازولۍ له لوري د ياد ولايت په مرکز قلات ښار کې د ٦٦ ورزشکارانو ترمنځ د سیمه ییزې غېږ نیونې سیالۍ ترسره شوې.
دغو سیالیو کې له سپینې غبرګې، کاکړانو او سیخاک سیمو څخه ورزشکارانو ګډون کړی و، چې په پایله کې یې د سپينې غبرګې سیمې ورزشکارانو اتلولي وګټله.
دا سیالۍ د ځوانانو لپاره د سالمې تفریح برابرولو په موخه ترسره شوې، چې یوه ورځ یې دوام وکړ.
