زابل؛ په ارغنداب ولسوالۍ کې د ۱۶ لوبډلو ترمنځ د والیبال سیالۍ پای ته ورسېدې
د زابل ولایت د بدني روزنې او ورزش امریت له لوي د ارغنداب ولسوالۍ په فېروزو سیمه کې د ۱۶ لوبډلو ترمنځ د والیبال سیالۍ، چې ۱۸ ورځې یې دوام وکړ د محمد خېلو لوبډلې په اتلولۍ پای ته ورسېدې.
د دغو سیالیو په پایلوبه کې محمدخېلو لوبډلې خپلې سیالې ګومبد لوبډلې ته د ۳-۱ میدانونو په توپیر ماتې ورکړه او اتلولي یې خپله کړه.
هېره دې نه وي چې په پای کې د یاد ولایت د ورزشي امریت د مسوولینو له لوري غوره لوبډلو او لوبغاړو ته مډالونه، کپونه او ستاینلیکونه ورکړل شول.
