زابل؛ په شاجوی ولسوالۍ کې د ۱۶ لوبډلو ترمنځ د والیبال سیالۍ پای ته ورسېدې
د زابل ولایت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په شاجوی ولسوالۍ کې د ۱۶ لوبډلو ترمنځ د اختر يز جام په نوم د واليبال سيالۍ د چینو لوبډلي په اتلوالۍ پای ته ورسېدې.
د دغو سياليو په پايلوبه کې چينو لوبډلې خپلې سیالې هلال لوبډلې ته د ۳/۲ ميدانونو په توپير ماتې ورکړه او اتلولي يې وګټله.
د يادو سياليو موخه د اختر د خوښیو نمانځل و، چې لس ورځې یې دوام وکړ.
