زابل؛ په شاجوی ولسوالۍ کې د ۲۶ ورزشکارانو تر منځ د رزمي لوبو یوني فایټ سبک سیالۍ تر سره شوې
د زابل ولایت د بدني روزنې او ورزش امريت اړوند د رزمي لوبو ملي فدراسيون د استازولۍ له لوري د ياد ولايت په شاجوی ولسوالۍ کې د دوو کلبونو د ۲۶ ورزشکارانو ترمنځ د رزمي لوبو یوني فايټ سبک سیالۍ ترسره شوي.
دغه سيالۍ، د ځوانانو او نويو ځوانانو په عمري کټګوريو کې د استاد روفي او د استاد شمس الحق د کلبونو ورزشکارانو ترمنځ ترسره شوې، چې په پايله کې د استاد روفي د کلب ورز شکارانو بريا خپله کړه.
د يادو سياليو موخه د ورزشکارانو ترمنځ د يووالي رامنځته کول وو ، چې دوه ورځې دوام وکړ او په پای کې غوره ورزشکارانو ستاينليکونه ورکړل شو.
