زابل؛ په شاجوی ولسوالۍ کې د ۴۴ لوبغاړو ترمنځ د ځغاستې سيالۍ وشوې
د زابل ولايت د بدني روزنې او سپورټ امريت اړوند د اتلتيک فدراسيون د استازولۍ له لوري د ياد ولايت په شاجوی ولسوالۍ کې د څلورو کلبونو د ۴۴ لوبغاړو ترمنځ د ځوانانو او مشرانو په عمري کټگوريو کې د ځغاستې سيالۍ وشوې.
په يادو سياليو کې د استاد نادر خان، استاد روزي محمد، استاد نقيب الله او استاد عبدالخالق کلبونو لوبغاړو گډون کړی وو، چې په پايله کې د استاد عبدالخالق کلب لوبغاړو په بريا پای ته ورسېدې.
د ويلو ده، چې د دغو سياليو موخه د کلبونو ترمنځ يووالی او همغږي رامنځته کول و.
