زابل؛ په مرکز قلات ښار کې د څلورو لوبډلو ترمنځ د واليبال سيالۍ پای ته ورسېدې
د زابل ولايت د بدني روزنې او سپورټ امريت له لوري د ياد ولايت په مرکز قلات ښار کې د څلورو لوبډلو ترمنځ د پوليو واکسين په اړه د عامه پوهاوي په موخه د واليبال سيالۍ د شيخ مټي بابا لوبډلې په اتلولۍ پای ته ورسېدې.
د يادو سياليو په پايلوبه کې شيخ مټي بابا لوبډلې سيالې فدايي لوبډلې ته ۱/۳ ميدانونو په توپير ماتې ورکړه او اتلولي يې خپله کړه.
دغه سیالۍ چې يوه ورځ يې دوام وکړ، په پای کې غوره ورزشکارانو ته ورزشي وسايل ورکړل شول.
