زابل؛ په مرکز قلات ښار کې د ۱۰۰ پهلوانانو ترمنځ د سيمه ييزې غېږ نيونې سيالۍ ترسره شوې
د زابل ولايت د بدني روزنې او ورزش امريت په همغږۍ د ياد ولايت په مرکز قلات ښار م.لا اورنگ سيمه کې د درېيو لوبډلو د ۱۰۰ پهلوانانو ترمنځ د سيمه ييزې غېږ نيونې سيالۍ ترسره شوې.
په دغو سياليو کې د سپينې غبرگي، بازار او باوړيو لوبډلو ورزشکارانو گډون کړی وو، چې په پايله کې سپينې غبرگي لوبډلې په بريا پای ته ورسېدې.
د يادو سياليو د ترسره کېدو موخه ملي او دوديزو لوبو ته وده ورکول ښودل شوي وو، چې يوه ورځ يې دوام وکړ او په پای کې د ياد ولايت د ورزش امريت له لوري غوره پهلوانانو ته ستاينليکونه او ورزشي وسايل ورکړل شول.
