زابل کې د ۳۰ ورزشکارانو ترمنځ د پاورلفټينگ سيالۍ ترسره شوې
د زابل ولايت د بدني روزنې او ورزش امريت اړوند د پاورلفټينگ فدراسيون د استازولۍ له لوري د ياد ولايت په مرکز قلات ښار کې د ۳۰ ورزشکارانو ترمنځ د نویو ځوانانو، ځوانانو او مشرانو په عمري کټگوريو کې د پاورلفټينگ سيالۍ ترسره شوې.
د دغو سياليو په پايلوبه کې احمد ضياء په نويو ځوانانو، خوشحال په ځوانانو او نعمت الله بيا په مشرانو عمري کټگوريو کې لومړي مقامونه خپل کړل.
د يادولو وړ ده، چې د يادو سياليو د ترسره کېدو موخه ددې پاور لفټينگ ورزش ته وده ورکول و، چې يوه ورځ يې دوام وکړ.
