سرپل مرکز ښار کې د ۵۰ چاپندازانو ترمنځ د وزلوبې سیالۍ وشوې
د سرپل ولایت د بدني روزنې او ورزش امریت اړوند د وزلوبې، نېزه وهلو او دودیزو لوبو ملي فدراسیون د استازولۍ له لوري د یاد ولایت په مرکز ښار کې د ۵۰ چاپندازانو ترمنځ د وزلوبې سیالۍ وشوې.
په دغه سیالۍ کې نجیب الله پهلوان یو اخر اولاق ترسره کړ او خوسی یې تر حلالې دایرې ورسوه او د ډالیو ګټونکی شو.
د یادو سیالیو موخه د وزلوبې ورزش ته وده ورکول او د خلکو ترمنځ یووالی رامنځته کول و، چې یوه ورځ یې دوام وکړ.
