سمنگان کې د اتو لوبډلو ترمنځ د والیبال سیالۍ د درخشان لوبډلې په اتلولۍ پای ته ورسېدې
د سمنګان ولایت د بدني روزنې او ورزش امریت اړوند د والیبال فدراسیون د استازولۍ له لوري په یاد ولایت کې د اتو لوبډلو ترمنځ د والیبال سیالۍ، چې یوه میاشت وړاندې پیل شوې وې د درخشان لوبډلې په اتلولۍ پای ته ورسېدې.
د دغو سیالیو په پایلوبه کې درخشان لوبډلې خپلې سیالې فرزاد لوبډلې ته د ۳/۱ امتیازونو په توپیر ماتې ورکړه او اتلولي یې خپله کړه.
د یادو سیالیو موخه ورزش ته د ځوانانو هڅوول او وده ورکول و.
د سیالیو په پای کې غوره لوبډلې ته چمتو شوې ډالۍ ورکړل شوې.
