عظمت الله عمرزی د کرېکټ ټولچارو لوبغاړو په تازه ډلبندۍ کې لومړی مقام خپل کړ
د افغانستان کرېکټ ملي لوبډلې ټولچاري ( الراونډر ) لوبغاړي عظمت الله عمرزي د کرېکټ نړۍوالې شورا د یو ورځنیو سیالیو په تازه ډلبندۍ کې د ټولچارو لوبغاړو له منځه لومړی مقام خپل کړی دی.
په دغه ډلبندۍ کې د افغانستان کرېکټ ملي لوبډلې بل پیاوړي ټولچاري لوبغاړي محمد نبي عیسیخېل دویم او د زمبایوې کرېکټ ملي لوبډلې لوبغاړي سکندر رضا درېيم مقام ترلاسه کړی دی.
د یادونې وړ ده، چې له دې وړاندې محمد نبي عیسیخېل په دغه ډلبندۍ کې لومړی مقام درلود، چې اوس یې ځای عظمت الله عمرزي ونیوه.
