غزني؛ اندړو ولسوالۍ کې د ۲۸ لوبډلو ترمنځ د ټېپ بال کرکټ سیالۍ پای ته ورسېدې
د غزني ولایت په اندړو ولسوالۍ کې د یاد ولایت له بېلا بېلو ولسوالیو د ۲۸ لوبډلو ترمنځ ټېپ بال کرکټ ۲۰ اوریزه سیالۍ، چې لس ورځې وړاندې پيل شوې وې د صاحب خان ټېپ بال کرکټ لوبډلې په اتلولۍ پای ته ورسېدې.
د دغو سیالیو په پایلوبه کې د صاحب خان لوبډلې په ټاکلو ۲۰ اورونو کې خپلې سیالې همت لوبډلې ته د ۸۳ منډو هدف وټاکه په مقابل کې همت لوبډلې یواځې ۷۳ منډې ترسره کړې او لوبه یې د ۱۰ منډو په توپير د صاحب خان لوبډلې ته وبایلله.
د یادو سیالیو موخه د نېکمرغه لوی اختر نمانځل و.
د سیالیو په پای کې غوره لوبډلې او لوبغاړو ته کپ او مډالونه ورکړل شوه.
