غزني؛ ناور ولسوالۍ کې د ښوونځیو اتو لوبډلو ترمنځ د فوټسال سیالۍ پيل شوې
د غزني ولایت د بدني روزنې او ورزش امریت اړوند د فوټبال ملي فدارسیون د استازولۍ له لوري د یاد ولایت په ناور ولسوالۍ کې د معارف جام په نوم د ښوونځیو اتو لوبډلو ترمنځ د فوټسال سیالۍ پيل شوې.
د دغو سیالیو په لومړۍ لوبه کې جوانان وحدت کوراله لوبډلې خپلې سیالې ستارګان لوبډلې ته د ۴/۰ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټسال لوبو ته وده ورکول او د غوره لوبغاړو موندل دي، چې دوې اوونۍ به دوام وکړي.
