غزني؛ په ګيرو ولسوالۍ کې د اختر په مناسبت د واليبال سيالۍ پيل شوې
د غزني ولايت په ګيرو ولسوالۍ کې د ورزش امريت په همغږۍ د اختر په مناسبت په بازار پمپ ورزشي ميدان کې د ١٤ لوبډلو ترمنځ په حذفي بڼه د واليبال سيالۍ پيل شوې.
د دغو سياليو د پيل لوبه د سليمان قلعه او دروس خېل لوبډلو ترمنځ وشوه، چې ٣-١ د سليمان قلعه لوبډلې په ګټه پاى ته ورسېده.
د دغو سياليو د ترسره کېدو موخه د اختر نمانځل دي، چې ټاکل شوې دغه سيالۍ به ٦ ورځې دوام وکړي.
