غزني؛ ګیرو ولسوالۍ کې د ۱۱ لوبډلو ترمنځ د والیبال سیالۍ د دیسي لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د والیبال فدراسیون د استازولۍ له لوري په ګیرو ولسوالۍ کې د ۱۱ لوبډلو ترمنځ د والیبال سیالۍ، چې یوه میاشت وړاندې پيل شوې وې د دیسي لوبډلې په اتلولۍ پای ورسېدې.
د دغو سیالیو پایلوبه کې دیسې لوبډلې خپلې سیالې قریه بدي لوبډلې ته د ۳/۱ میدانونو په توپیر ماتې ورکړه او اتلولي یې خپله کړه.
د یادو سیالیو موخه ورزش ته د ځوانانو هڅوول و.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
