غزني کې د نابینایانو فدراسیون استازولي پرانیستل شوه
د غزني ولایت د بدني روزنې او ورزش امریت په همغږۍ او مرسته په یاد ولایت کې د فوټبال ۱۲ کسیزې لوبډلې په جوړېدو سره د نابینایانو فدراسیون استازولي پرانیستل شوه.
په دغو مراسمو کې د نابینایانو فدراسیون د استازولۍ مسوولینو او د یاد ولایت ورزشي مسوولینو د شتون سربېره د دوو لوبډلو ترمنځ د فوټبال لوبه هم وشوه.
په دغه سیالۍ کې A لوبډلې خپلې سیالې B لوبډلې ته د ۱/ ۰ ګول په توپير ماتې ورکړه او بریا یې ترلاسه کړه.
د یادې نابینایانو استازولۍ موخه نابینایانو ته پام کول او د فعالیتونو پیاوړتیا و.
