غزنی؛ د سنبلې د نهمې په ویاړ جوړ شوي فوټسال جام سیالیو اتلولي راهیان سعادت لوبډلې وګټله
د غزني ولایت په مرکز کې د سنبلې د نهمې یا د ام.ریکایي اش.غ.ال د پای د ورځې په ویاړ جوړ شوي د فوټسال حذفي جام سیالۍ د راهیان سعادت لوبډلې په اتلولۍ پای ته ورسیدې.
یادې سیالۍ د غزني مرکز اړوند په جوانان لوبغالي کې د څلورو لوبډلو ترمنځ د یوې ورځې لپاره ترسره شوې.
د سیالیو پایلوبه د راهیان سعادت او قهرمانان دلها لوبډلو ترمنځ وه، چې راهیان سعادت لوبډلې د ۵-۴ ګولونو په توپیر سیالې لوبډلې ته ماتې ورکړه.
په پای کې د غزني د ورزش آمر حاجي بلال مجاهد او د فوټبال فدراسیون د مسؤولینو له لوري ګټونکو لوبډلو او غوره ورزشکارانو ته ډالۍ او کپونه ووېشل.
