غور؛ پسابند ولسوالۍ کې د ۵۰ ورزشکارانو ترمنځ د پهلوانۍ سیمه ییزې سیالۍ ترسره شوې
\د غور ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په پسابند ولسوالۍ کې د ۵۰ ورزشکارانو ترمنځ د ۵۰ کیلوګرام څخه تر ۸۰ کیلو ګرام وزن پورې د پهلوانۍ سیمه ییزې سیالۍ ترسره شوې.
دغو سیالیو، چې یوه ورځ یې دوام وکړ، په پایله کې نور محمد، محمد نبي، ملا نور احمد، سید شاه، محمود جواد، شیر احمد او شاه بهرام خپلو سیالانو ته په پرلپسې ماتې ورکولو سره بریاوې او لومړي مقامونه ترلاسه کړل.
د یادو سیالیو موخه د کورش ورزش ته وده ورکول او د غوره ورزشکارانو پېژندل و.
