غور؛ په شهرک ولسوالۍ کې د فوټبال سیالۍ د کهکشان لوبډلې په اتلولۍ پای ته ورسېدې
د غور ولایت د بدني روزنې او ورزش امریت اړوند د فوټبال فدراسیون د استازولۍ له لوري د اوو لوبډلو ترمنځ د فوټبال سیالۍ، چې د تولک ولسوالۍ په کوربتوب پیل شوې، د کهکشان لوبډلې په اتلولۍ پای ته ورسېدې.
د یادو سیالیو پایلوبه د کهکشان او عقابان لوبډلو ترمنځ ترسره شوه په پایله کې کهکشان لوبډلې وکولای شول، چې خپلې سیالې لوبډلې ته د ۴/۳ ګولونو په توپیر ماتې ورکړې او اتلولي په خپل نوم کړي.
د دې سیالیو د ترسره کېدو موخه د ځوانانو ترمنځ یووالی رامنځته کول و او د سیالۍ په پای کې لومړی مقام ګټونکې لوبډلې ته کپ، دویم او دریم مقام لوبډلو ته جایزې ورکړل شوې.
