غور؛ په فيروز کوه ښار کې د ١٢ لوبډلو ترمنځ د فوټبال ډله يزي سيالۍ پيل شوې
د غور ولایت د بدني روزنې او ورزش امريت او فوټبال فدراسيون په ګډه همغږۍ په فىروز کوه ښار کې د دوستۍ او يو بل منلو په نوم د ١٢ لوبډلو ترمنځ د فوټبال ډلهييزې سيالۍ پيل شوې.
په دغو سياليو کې د کار او ټولنیزو چارو ریاست، ورزش امريت، نظامي محکمې، ښاروالۍ، زراعت، روغتون، امنيه قوماندانۍ، کلوپ، ښاري استخباراتو، محبس، علماوو شورا او امر بالمـــ عروف لوبډلې برخه لري.
د دې سياليو د پيل په لوبه کې د زراعت لوبډلې د ١١-٣ ګولونو په توپیر د کار او ټولنیزو چارو ریاست لوبډلې ته ماتې ورکړه.
د دغو سياليو موخه په غور ولایت کې د ټولو ملکي او نظامي ادارو ترمنځ اتحاد، اتفاق او د ښو اړيکو رامنځته کول دي.
