فاریاب ؛ اندخوي ولسوالۍ کې د ۱۶ لوبډلو ترمنځ د فوټسال سيالۍ ترسره شوې
د فارياب ولايت د بدني روزنې او ورزش امريت اړوند د فوټبال ملي فدراسيون د استازولۍ له لوري د ياد ولايت په اندخوي ولسوالۍ کې د ۱۶ لوبډلو ترمنځ د فوټسال سيالۍ د سادات کلب لوبډلې په اتلولۍ پای ته ورسیدې.
د دغو سياليو په پايلوبه کې د سادات کلب لوبډلې خپلې سیالې اخلاص ملي لوبډلې ته د ۲ پر ۱ ګولونو پر توپير ماتې ورکړه او اتلولي يې خپله کړه.
د يادو سياليو موخه په اندخوي ولسوالۍ کې د فوټسال ورزش ته وده ورکول و، چې يوه مياشت يې دوام وکړ.
د سياليو په پای کې د فارياب ورزشي امريت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
