فوټسال ملي کمېټې د زلال موفق شرکت سره د ټايټل سپانسرۍ تړون لاسليک کړ
د افغانستان فوټبال ملي فدراسيون د فوټسال کمېټې د ۲۰۲۵ فوټسال غوره ليګ څلورم پړاو سياليو د ټايټل سپانسرۍ( عمومي ملاتړ ) تړون د زلال موفق خصوصي صنعتي شرکت سره د يو لړ ځانګړو مراسموو په ترڅ کې لاسلیک کړ.
دغه تړون، نن دوشنبه د روان کال د غبرګولي مياشتې پر ۵مه نېټه د هېواد د المپيک، تربیت بدني او ورزش عمومي رياست، د فني او مسلکي مرستيال ښاغلي حافظ احمد جان ځدراڼ په شتون کې د فوټسال کمېټې او زلال موفق صنعتي شرکت ترمنځ لاسليک شو.
ټاکل شوې، چې د فوټسال غوره ليګ څلورم پړاو سيالۍ به د ۱۰ لوبډلو ترمنځ د روان کال د غبرګولې مياشتې پر ۱۸مه نېټه د فوټسال کمېټې په مرکزي جمنازيوم کې پيل شي.
