لغمان؛ علینګار ولسوالۍ کې د ٤٢ لوبډلو ترمنځ د ټېپ بال کرېکټ سیالۍ پیل شوې
د لغمان ولایت د بدني روزنې او ورزش آمریت له لوري د یاد ولایت په علینګار ولسوالۍ کې د ٤٢ لوبډلو ترمنځ د ټېپ بال کرېکټ سیالۍ پیل شوې، چې یوه میاشت به دوام وکړي.
د یادو سیالیو لومړۍ لوبه کې چهلګزي لوبډلې له خپل ١٩٨ منډو څخه دفاع وکړه او د ١٠٣ منډو په توپیر یې خپلې سیالې ملکزي لوبډلې ته ماتې ورکړه او د سیالیو لومړۍ بریا یې خپله کړه.
