لغمان؛ مرکز مهترلام ښار کې د ۱۸۸ ورزشکارانو ترمنځ د پهلواني سیالۍ ترسره شوې
د لغمان ولایت د بدني روزنې او ورزش آمریت اړوند د پهلواني فدراسیون د استازولۍ له لوري د یاد ولایت مرکز مهترلام ښار په مرکزي ورزشي جمنازیوم کې د ۱۸۸ ورزشکارانو ترمنځ د پهلواني دوستانه سیالۍ ترسره شوې.
په دې سیالیو کې د ننګرهار او لغمان ولایتونو ورزشکارانو ګډون کړی و، چې په پایله کې یې لغمان لومړی او ننګرهار دویم مقام خپل کړ.
دا سیالۍ د ورزشکارانو لپاره د سالمې تفرېح برابرولو په موخه ترسره شوې، چې یوه ورځ یې دوام وکړ.
