لغمان؛ مشه خیلو لوبډلې د والیبال سیالیو اتلولي خپل کړه
دا لوبې د لغمان ولايت مرکز اړوند د باغ ميرزا په سيمه کې د باغ میرزا د ځوانانو او قومي مشرانو په نوښت د لغمان ولایت دبدني روزنې او ورزش امر صاحب الحاج مجیب الرحمن ''رحماني'' په هدایت جوړشوې وې چې موخه يې د ځوانانو يووالی, اتفاق, اتحاد او د نشه يي توکو پر وړاندې مبارزه وه.
په دې سیالیو کې ٢٢ ټیمونو په کې ګډون کړی وه چې تقريباً يوه اوونۍ يې دوام وکړ پای لوبې ته د باغ میرزا او مشه خیلو ټيمونو لاره موندلې وه د یاد ټورنمنټ لومړی مقام د مشه خیلو او دوهم مقام د باغ میرزا ټيمونو ترلاسه کړ.
د لوبو په پای کې دبدني روزنې او ورزش امریت په استازولي د لغمان ولايت د بدني روزنې عمومي سرترينر استاد سمسور ''افضلي'' ګډون درلود او ګټونکي ټيمونه او غوره لوبغاړي یي په کپونه او مډالونه وویشل.
