لغمان؛ په مهترلام ښار کې د ۲۸ لوبډلو ترمنځ د ټېپ بال کرکټ سيالۍ پيل شوې
د لغمان ولايت د بدني روزنې او ورزش امريت په همکارۍ د مرکز مهترلام ښار په سلطان غازي بابا ښارگوټي کې د ۲۸ لوبډلو ترمنځ له ا.ا.ا نظام څخه د ملاتړ او ورزش ته د ودې ورکولو په موخه د ټېپ بال کرکټ سيالۍ پيل شوې.
دغه سیالۍ چې ۱۸ ورځې به دوام وکړي، لومړنۍ لوبه يې د بخشي اول او R4 B لوبډلو ترمنځ ترسره شوه، چې R4 B لوبډلې د لوبې پچې په گټلو سره په ټاکلو لسو اورونو کې سيالې لوبډلې ته د ۱۱۶ منډو هدف وټاکه، په مقابل کې بخشي اول لوبډلې د ټولو لوبغاړو په سوځېدو سره يوازې ۸۰ منډې وکړې او لوبه يې د ۳۶ منډو په توپير وبايلله.
