لوگر؛ خروار ولسوالۍ کې د ۱۶ لوبډلو ترمنځ د ټېپ بال کرېکټ سيالۍ پای ته ورسېدې
د لوګر ولايت د بدني روزنې او ورزش امريت اړوند د ټېپ بال کرېکټ ملي فدراسیون د استازولۍ له لوري د ياد ولايت په خروار ولسوالۍ کې د خواجه انګور بابا ټورنمنټ په نوم د ۱۶ لوبډلو ترمنځ د ټېپ بال کرېکټ سيالۍ پای ته ورسېدې، چې دوې ورځې دوام وکړ.
د دغو سياليو په پايلوبه کې الينور استار لوبډلې په ټاکلو ۱۰ اورونو کې د ۱۱۰ منډو هدف وټاکه په مقابل کې MK لوبډلې ياد هدف پوره کړ او اتلولي يې خپله کړه.
د يادو سياليو موخه د ځوانانو ترمنځ د ټېپ بال کرېکټ ته وده ورکول او يووالی رامنځته کول و.
